Tre të rinj nga fusha të ndryshme, të cilët bëjnë diferencën përmes punës së tyre, janë nderuar me çmimin “Harmony Hero Awards 2026”, nga Zyra Lokale e RYCO-s në Kosovë.
Në një ceremoni të organizuar në Rezidencën Gjermane në Kosovë, Edona Bllaca, Ilir Kicmari dhe Butrint Avdyli u nderuan si dëshmi se nuk ekziston vetëm një mënyrë për të ndërtuar paqen, por një gatishmëri e përbashkët për të bërë përpjekje.
Edona prej vitesh është e angazhuar në vullnetarizëm dhe në promovimin e hapësirave më gjithëpërfshirëse, përfshirë edhe për të rinjtë me aftësi të kufizuara.
Ajo bën punën e heshtur dhe këmbëngulëse për t'u siguruar që askush të mos mbetet jashtë.
Iliri i shndërron teknologjinë dhe edukimin në ura lidhëse, duke i përdorur për të afruar të rinjtë përtej ndasive dhe për të përcjellë mesazhe të paqes edhe më larg.
Ndërsa Butrinti përdor gazetarinë dhe bisedat e sinqerta rreth së kaluarës për t'u dhënë të rinjve hapësirë të shtrojnë pyetje, të kuptojnë dhe të angazhohen me rrëfimet që vazhdojnë të ndikojnë në atë se kush jemi sot.
UDHËTO LIRË.
UDHËTO KOMOD.
Rezervo online shpejt, lehtë dhe pa stres.
