Kryetari i Prishtinës, Perparim Rama ka drejtuar akuza të rënda ndaj kryetarit të LDK-së, Lumir Abdixhiku duke e akuzuar për “tradhti” politike dhe për përpjekje për t’ia marrë shumicën në Kuvendin Komunal të Prishtinës përmes negociatave me Lëvizjen Vetëvendosje.
Gjatë një paraqitjeje në RTV Dukagjini, të martën mbrëma, Rama pretendoi se Abdixhiku e kishte kontaktuar shefin e grupit të asamblistëve të LDK-së, Egzon Pacolli, me kërkesën që të negocionte me Gëzim Sveçlën e VV-së për t’ia marrë shumicën në Kuvendin Komunal të kryeqytetit.
“Siç po dëgjoj që e ka thirrur shefin e grupit të asamblistëve të LDK-së, Egzon Pacollin, [dhe i ka thënë]: ‘Shko negocio me Gëzim Sveçlën për t’ia marrë shumicën Përparim Ramës’”, deklaroi Rama, duke e cilësuar këtë veprim të pretenduar si shenjë të një mendësie të gabuar në udhëheqjen e partisë.
UDHËTO LIRË.
UDHËTO KOMOD.
Rezervo online shpejt, lehtë dhe pa stres.
