Gani Geci nga Lidhja Demokratike e Kosovës ka reaguar pas zhvillimeve të fundit në këtë subjekt politik ku gjashtë deputetë të kësaj partie vendosëm mos t’a mbështesin Bekim Sejdiun për President.Geci tha se në këto rrethana të krijuara brenda Grupit Parlamentar të LDK-së, do të ishte në të mirën e Kosovës që Anton Quni të jetë kandidat për President.

“Besoj se edhe grupi parlamentar i AAK-së do të qëndronte në sallë dhe do ta mbështeste një kandidaturë të tillë.Është e kuptueshme që ish-ministrat e Qeverisë së Avdullah Hotit tani ta kenë të vështirë të votojnë për president një person që ka votuar për rrëzimin e asaj qeverie. Nëse jemi të sinqertë dhe e themi hapur, askush nuk e voton lehtë dikë që dikur ka votuar kundër tij” shkruan Geci raporton “Gazeta Blic”.Ai tha se Quni është kandidati i vetëm që do t’i shmangte zgjedhjet e reja në Kosovë.

Reagimi i plotë:

Të dashur miq,
Në këto rrethana të krijuara së fundmi brenda grupit parlamentar të LDK-së, por edhe në situatën e përgjithshme politike në Kosovë, mendoj se, në të mirën e Republikës së Kosovës, të LVV-së dhe të LDK-së, Anton Quni duhet të jetë kandidat për President të Republikës së Kosovës.

Besoj se edhe grupi parlamentar i AAK-së do të qëndronte në sallë dhe do ta mbështeste një kandidaturë të tillë.
Është e kuptueshme që ish-ministrat e Qeverisë së Avdullah Hotit tani ta kenë të vështirë të votojnë për president një person që ka votuar për rrëzimin e asaj qeverie. Nëse jemi të sinqertë dhe e themi hapur, askush nuk e voton lehtë dikë që dikur ka votuar kundër tij.

Anton Quni është një figurë me përvojë ushtarake dhe politike, ish-ministër i Mbrojtjes dhe deputet shumëvjeçar i LDK-së. Në këto rrethana, ai është të kandidati i vetëm që do ta ndihmonte vendin të shmangte shkuarjen në zgjedhje të reja dhe të kontribuonte në tejkalimin e ngërçit politik.