Një operacion policor është duke u zhvilluar aktualisht në Bivolak, ku autoritetet kanë ndërhyrë për shkak të dyshimeve për nxjerrje ilegale të thëngjillit.

Burime të besueshme nga terreni bëjnë të ditur se në vendin e ngjarjes janë angazhuar gjashtë njësi të Njësisë së Reagimit të Shpejtë (NJRSH), të cilat kanë rrethuar zonën ku dyshohet se po zhvillohet aktiviteti i paligjshëm.

Sipas informacioneve fillestare, disa persona dyshohet se janë kapur duke nxjerrë thëngjill në mënyrë ilegale, ndërsa policia ka ndërhyrë për të kontrolluar situatën dhe për të identifikuar të përfshirët.

Operacioni policor është ende në zhvillim, ndërsa autoritetet pritet të dalin me detaje shtesë pas përfundimit të veprimeve në terren.

Në vendin e ngjarjes ndodhet edhe një prokuror i shtetit, i cili po monitoron aksionin dhe po interviston disa persona që u hasën aty